Եվրոպայի խորհրդի խորհրդարանական վեհաժողովի ինստիտուցիոնալ հարցերի հանձնաժողովը ողջունել է Թուրքիայի իշխանությունների առաջարկը 2016 թվականին խոշոր ներդրող դառնալու միջոցով «Եվրոպայի խորհուրդը ամրապնդելու» մասին:
ԵԽԽՎ պաշտոնական կայքի փոխանցմամբ՝ Ռուդի Սալեսի ԵԽԽՎ ծախսերի մասին զեկույցի հիման վրա պատրաստված բանաձեւի նախագծում հանձնաժողովը կոչ է արել անդամ պետություններին առանց Եվրոպայի խորհրդի բյուջեում իրենց ներդրումները նվազեցնելու ընդունել այս առաջարկը:
Հանձնաժողովը նաեւ առաջարկել է ավելացնել ԵԽԽՎ-ում թուրք պատգամավորների քանակը եւ նշել է, որ թուրքերենը, որպես աշխատանքային լեզու ընդունելը կարող է ֆինանսավորվել միայն հավելյալ ֆինանսական աղբյուրներից:
Պատրաստեց Աշոտ ԻՍՐԱԵԼՅԱՆԸ
