Ապրիլի 3-ին Արտաշատի տարածաշրջանի մի խումբ երկրապահներ պարգևատրվեցին ՀՀ նախագահի գերատեսչական մեդալներով, Մարտական գործողությունների մասնակից վկայականներով:
Մարզպետարանի դահլիճում պարգևներ հանձնելուց առաջ մարզպետի տեղակալ Շադյան Իլյիչը Արարատի մարզպետ Ռուբիկ Աբրահամյանի և իր անունից ողջունեց ազատամարտիկներին:
Հայտարարվեց լռության րոպե:
Մարզպետի տեղակալը նշեց, որ ինքը ևս կռվել է և լավ է հասկանում յուրաքանչյուրին:
Կարդացեք նաև
Նա ընդգծեց, որ բոլորի կռիվը մեդալների ու պարգևների համար չէր, հայրենիքի պաշտպանությունը, պապենական հողերի ազատագրումը գերակա արժեք է յուրաքանչյուրի համար:
Անկախ սոցիալական վիճակից, եթե հարկ լինի, հավաստեց նա, հարկ եղած դեպքում բոլորս կանգնելու ենք հայրենիքի պաշտպանության դիրքերում, այն երիտասարդների կողքին, որոնք այսօր հերոսաբար պաշտպանում են մեր սահմանները:
Ազատամարտիկ Վարդան Հակոբյանը պարգևատրվեց ՀՀ նախագահի «Մարտական ծառայություն» մեդալով: Հինգ ազատամարտիկներ պարգևատրվեցին ՀՀ ՊՆ «Վազգեն Սարգսյան», «Գարեգին Նժդեհ», «Ծովակալ Հ. Ս. Իսակով», «Անդրանիկ Օզանյան», մեկը` «ԵԿՄ 20 տարի» հոբելյանական մեդալներով: 66 ազատամարտիկների հանձնեցին Մարտական գործողությունների մասնակից վկայականներ:
ԵԿՄ նախագահ Մնացական Մարգարյանը, շնորհավորելով մարտական ընկերներին, ասաց, որ մարտի դաշտ չտեսած ոչ մեկը չի արժանանալու խրախուսանքի կամ անդամատոմսի: Պարգևները միայն հայրենասերների մենաշնորհն են:
Արարատի մարզպետարանի մամուլի հաղորդագրություն
