Այսօր փոխոստիկանապետ Սամվել Հովհաննիսյանից լրագրողները հետաքրքրվեցին՝ ճի՞շտ է, որ ամսի 23-ին եւ 24-ին հատուկ անվտանգության չափորոշիչներ են գործելու: Ասենք, Էջմիածնի տարածքում քաղաքացիներին հորդորում եք, որ պայուսակներ լավ կլինի չվերցնեն, որ ստուգվելու է ամեն ինչ:
Փոխոստիկանապետը պատասխանեց, որ հանցագործությունների նախականխման համար քիմիական, պայթուցիկ, դյուրավառ նյութեր, որոնք կարող են վտանգ ներկայացնել քաղաքացիների համար, փամփուշտ, ռազմամթերք ներս բերելն արգելվում է: Անհրաժեշտության դեպքում ստուգելու են պայուսակները:
Անգամ ոստիկանության ծառայողները հասարակական վայրում ծառայություն իրականացնելու ժամանակ լինելու են առանց ատրճանակի. «Մենք ուզում ենք, որ դա տարածվի ոչ միայն ոստիկանների վրա, այլ նաեւ ՊՆ աշխատողների, ռազմական այն ինստիտուտների, որոնք ունեն զենք կրելու իրավունք: Մենք դիմում ենք բոլորին՝ հաշվի առնելով մեր քաղաքացիների անվտանգությունն ու անզգուշությունը»:
Սամվել Հովհաննիսյանը մի դեպք պատմեց. «Ես տեսել եմ դեպք, երբ մարդը որսորդական խանութից գնել էր փամփուշտ պատրաստելու համար նյութեր եւ պայուսակի մեջ ման էր գալիս: Բարութը որ կա, որ լցնում են մեջը, տուփով վերցրել էր»: Մենք ճշտեցինք, այսինքն, պայթուցիկ, նման բաներ չվերցնե՞ն՝ Սամվել Հովհաննիսյանը ծիծաղեց. «Այսինքն, մինչեւ հիմա վերցնո՞ւմ էին»:
Կարդացեք նաև
Հռիփսիմե ՋԵԲԵՋՅԱՆ
Իյա՜, ես էլ ուզում էի այդ օրերին նռնակներով դուրս գայի փողոց, դե լավ, որ ասում եք այդ երկու օրը չվերցնեք, չեմ վերցնի: