Եվրոպայի խորհրդի խորհրդարանական վեհաժողովը (ԵԽԽՎ) գարնանային նստաշրջանի աշխատանքների ընթացքում ապրիլի 23-ին կամ 24-ին կընդունի Հայոց ցեղասպանության մասին հայտարարություն: Հայտարարության տեքստի տակ արդեն ստորագրել են ԵԽԽՎ շուրջ 200 պատվիրակներ:
Նշենք, որ հայտարարությամբ դատապարտվում են ընդհանրապես ցեղասպանությունները և մասնավորապես Հայոց ցեղասպանությունը:
Aravot.am-ը ԵԽԽՎ հայաստանյան պատվիրակության անդամ Արփինե Հովհաննիսյանից հետաքրքրվեց՝ ի՞նչ կշիռ ունի այս հայտարարությունը, նա պատասխանեց. «Եթե հաշվի առնենք այն հանգամանքը, թե որքան մեծ թվով պատվիրակներ են ստորագրել այս հայտարարությունը, ապա փաստաթուղթը ծանրակշիռ է; Այն սահմանում է, որ ապրիլի 24-ին լրանում է Հայոց ցեղասպանության 100-ամյա տարելիցը: Եվ այն ստորագրած պատվիրակներն իրենց հարգանքի տուրքն են մատուցում անմեղ զոհերի հիշատակին և դատապարտում մարդկության դեմ ուղղված հանցագործություններն ու ցեղասպանությունները»: Վեհաժողովի այսօրվա նիստի ընթացքում ելույթ ունեցավ Բելգիայի Ֆիլիպ թագավորը, ԵԽ գլխավոր քարտուղար Թորբյորն Յագլանդը:
Նշենք, որ այս նստաշրջանի կարևորագույն հարցերից են Ուկրաինայում իրավիճակը, ՌԴ նկատմամբ պատժամիջոցների վերանայման հարցը, որը հանվել է օրակարգից:
Կարդացեք նաև
Տաթև ՀԱՐՈՒԹՅՈՒՆՅԱՆ
