Վարչապետը վաղը, կառավարության նիստում կհայտարարի, որ գյուղատնտեսության նախարարությանը բյուջեի պահուստային ֆոնդից կհատկացնի 49 միլիոն դրամ` հանրապետության տարբեր հատվածներում անտառապատման աշխատանքներ կատարելու նպատակով: Այս մասին տեղեկանում ենք կառավարության նիստի օրակարգից:
Գումարի մի մասը կտրամադրվի «Երեւանի անտառտնտեսության Էրեբունու անտառպետության 51 հեկտար տարածքի անտառապատման աշխատանքներ»-ի համար, ծրագրի 2-րդ փուլում էլ շուրջ 31 հեկտար տարածքի անտառապատման աշխատանքների իրականացման համար` 4 միլիոն դրամ:
«Հայանտառ» ՊՈԱԿ-ին կտան 14 միլիոն 730 դրամ` «Հրազդանի անտառտնտեսություն» մասնաճյուղի 100 հեկտար տարածքի կոճղաշիվային վերաճի օժանդակման աշխատանքների իրականացման համար:
«Հայանտառ»-ի «Գյումրիի անտառտնտեսություն» մասնաճյուղի 10 հեկտար տարածքի ագրոտեխնիկական խնամքի աշխատանքների իրականացման համար էլ նախատեսվել է 2 միլիոն 500.0 հազար դրամ: «Արծվաբերդի անտառտնտեսություն» մասնաճյուղին կտան 5 միլիոն 280 հազար դրամ` 15 հեկտար տարածքի ագրոտեխնիկական խնամքի աշխատանքների իրականացման համար:
Կարդացեք նաև
Անտառների վերականգնման եւ զարգացման հիմնադրամի վարչական ապարատի պահպանման ծախսերը լրացնելու նպատակով էլ նախատեսվել է 18 միլիոն 332.5 հազար դրամ եւ այլն:
Լուսինե ԲՈՒԴԱՂՅԱՆ
Հարգելի Լուսինե,ծառերը տնկվել են մարդկանց համար,հատվում են նույնպես մարդկանց համար,առանց որի մեր հանրապետության բնակչության 30-40 տոկոսը ծմռանը ցրտից կմահանան:Լեռնային շրջաններում ձմեռը տևում է 6-7 ամիս,ջերմաստիճանը իջնում է -25-30 աստիճան,գյուղական վայրերի մեծ մասում գազ չկա կամ անվճարունակ են:Մենք Ձեզ հետ պետք է ուրախ լինենք որ բյուջեից փող են ծախսում ծառատնկման համար և այդ ծառերը 15-20 տարի հետո վառելիք կդառնա հաջորդ սերնդի համար:Այնպես,որ ամենամեծ արժեքը մարդն է,մնացածը ածանցյալներ են՝ծառն էլ,բյուջեն էլ,Ձեր հոդվածի հոնորարն էլ…