Անդրադառնալով Թուրքիայի կողմից Լյուքսեմբուրգում իր դեսպանին խորհրդակցությունների նպատակով հետ կանչելուն, Լյուքսեմբուրգի արտաքին գործերի նախարար Ժան Ասելբորնը ասել է, որ դա իրենց համար անակնկալ չէր:
Երեկ Թուրքիան խստորեն դատապարտել է Լյուքսեմբուրգին, Հայոց ցեղասպանությունը ճանաչելու համար եւ հետ է կանչել այդ երկրում իր դեսպանին:
«Luxemburger Wort» պարբերականի հետ զրույցում ԱԳ նախարարն ասել է, թե դա բողոքի նոտա հղելու ամենահասարակ ձեւն է. «Չեմ կարծում, որ այդպիսով Թուրքիայի հետ հարաբերությունները էականորեն կվատանան: Մեր երկրները կախված են իրարից եւ այդ պատճառով մենք շարունակելու ենք աշխատել Անկարայի հետ մեր ռազմավարական գործընկերությունն ամրապնդելու եւ լայնացնելու ուղղությամբ»:
Հիշեցնենք, որ Թուրքիային զայրացրել էր այն փաստը, որ Լյուքսեմբուրգի խորհրդարանը միաձայն Հայոց ցեղասպանությունը ճանաչող բանաձև է ընդունել։
Կարդացեք նաև
Պատրաստեց Աշոտ ԻՍՐԱԵԼՅԱՆԸ
