Այսօր ԱԺ նախագահ Գալուստ Սահակյանը, Երեխաների պաշտպանության օրվա հետ կապված ԱԺ այգում մասնակցում էր տոնական միջոցառմանը:
Պատասխանելով լրագրողների՝ արտագաղթի վերաբերյալ հարցին, թե ի՞նչ եք անելու, որ մարդիկ չարտագաղթեն այս տեմպերով՝ նա պատասխանեց. «Յուրաքանչյուր մարդ ինքն է տնօրինում իր կենցաղը, ապագան, մոտեցումները»:
Հարցին՝ բայց դուք պայմաններ ստեղծե՞լ եք, որ չգնան՝ նա պատասխանեց. «Պայմանները ստեղծում են բոլորը միասին»:
Հարցին՝ Հայաստանում պայմաններ կա՞ն, որ երեխաներն իրենց երջանիկ զգան՝ Գալուստ Սահակյանը վստահեցրեց. «Իհարկե, պայմաններ կան: Ունենք դպրոց, ունենք մանկապարտեզ, ունենք մշակութային օջախներ: Միգուցե մեզ դեռեւս չի բավարարում, բայց այն, ինչ ունենք, գոնե ունենք»:
Կարդացեք նաև
Անդրադառնալով աղքատության ցուցանիշին՝ նա ասաց՝ այդպիսին է իրավիճակը, եւ անկախությունն այն գործիքն է, որով հնարավորինս իրավիճակը կլավանա:
Հռիփսիմե ՋԵԲԵՋՅԱՆ
