Այսօր վաղ առավոտյան 51-ամյա մի տղամարդ, բարձրանալով Գյումրու կենտրոնական Ռիժկովի ճեմափողոցի վրա գտնվող շենքերից մեկի կտուրին, ինքնասպանության փորձ է կատարել: Այս մասին Aravot.am-ին տեղեկացրեց ականատեսներից մեկը: Ըստ վերջինիս, տղամարդը կիսամերկ էր, դանակը ձեռքին, գյումրեցիները հավաքվել ու ինչ-որ բան էին համոզում վերջինիս (Տես լուսանկարում):
Եկել են ոստիկանության ու ՏԿԱԻՆ աշխատակիցները, որոնց հաջողվել է կտուրից վայր իջեցնել ինքնավնասման փորձ կատարող տղամարդուն: Մոտ 1 ժամ համոզել են, որ վայրի իջնի կտուրից: Նրան դեպքի վայրից տարել են Գյումրու ոստիկանության Մուշ բաժին՝ հասկանալու, թե ինչու էր ուզում կյանքին վերջ դնել: Մեզ այս պահին հաջողվեց ճշտել, որ նրա անունը Էրիկ է, ծնվել է 1964 թվականին:
Ոստիկանությունից մեզ հաջողվեց ճշտել, որ ինքնավնասման սպառնալիքներ հնչեցնող քաղաքացին ազգությամբ եզդի է, որը իր՝ բարձրահարկ շենքի 3-րդ հարկ բարձրանալն ու մարդկանցից գումար պահանջելը բացատրել է նրանով, որ ինքը փողային հաշիվներ ունի. իրեն գումար են պարտք, չեն վերադարձնում, ինքն էլ դրա հույսով պարտքեր է արել:
Նունե ԱՐԵՎՇԱՏՅԱՆ
