Հանձնաժողովի հաշվարկները կանգնել են 6,9-7 դրամի վրա
Էլեկտրաէներգիայի սակագները վերանայելու շուրջ ավելի քան մեկ ամիս տեւած բուռն քննարկումները կարծես մոտենում են եզրագծին։ Հանրային ծառայությունները կարգավորող հանձնաժողովն արդեն ավարտել է էներգետիկ ընկերությունների հայտերի ուսումնասիրությունը եւ պատրաստվում է այսօր-վաղը ներկայացնել եզրակացություն սակագնի սպասվող բարձրացման վերաբերյալ։
Մինչ այդ հայտնի դարձավ, որ հանձնաժողովի ուսումնասիրությունները կանգնել են 6,9-7 դրամի վրա։
Թերեւս դա էլ կդրվի սակագները վերանայելու վերաբերյալ հանձնաժողովի որոշման հիմքում, որը նախատեսվում է ընդունել մինչեւ հունիսի վերջ։ Ինչպես հայտնի է, նոր սակագները Հայաստանում պետք է գործողության մեջ մտնեն օգոստոսի 1-ից։
Սպասվող փոփոխությամբ էլեկտրաէներգիայի սակագինը Հայաստանում ընդհուպ կմոտենա 50 դրամին։ Խոսքը սպառողներին մատակարարվող ցածր լարման հոսանքի ցերեկային սակագնի մասին է, որը ներկայումս սահմանված է շուրջ 42 դրամ։ Հանձնաժողովը սակագների փոփոխությանը նպաստող գործոնների ազդեցությունը գնահատել է 16,6 տոկոս։
Կարդացեք նաև
Հիշեցնենք, որ էներգետիկ ընկերությունների ներկայացրած հայտերով այն 40 տոկոս էր։
Նույն չափով կաճի նաեւ գիշերային սակագինը։ Ըստ այդմ այն 32-ից կհասնի շուրջ 39 դրամի։
Այսպիսով հոսանքի սակագինը 17 դրամ բարձրացնելու վերաբերյալ էներգետիկ ընկերությունների առաջարկություններից հանձնաժողովն ավելի քան 10 դրամի փոփոխությունը հիմնավորված չի համարել։ Այն հիմնականում բաժին է ընկել բաշխիչ էլեկտրացանցեր ընկերությանը, որի ակնկալիքները գերազանցել էին բոլոր սպասելիքները։
Վասակ ԹԱՐՓՈՇՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
Այսպես արվում է ոչ առաջին անգամ: Սա Նազարյանի ձեռագիրն է: Դրա մասին ասել եմ դեռ թանկացման վերաբերյալ առաջին հաղորդագրությունից անմիջապես հետո: Անցած անգամ նա ինքը առաջարկեց հոսանքի գինը թանկացնել, բայց խոստացավ, որ մոտ ապագայում այլևս թանկացում չի լինելու: Բնական է, նա իր խոստումը չկատարեց ու չամաչեց, որ նույնիսկ չի կարողանում կարճաժամկետ կտրվածքով կանխատեսում կատարել: Մշակող արտադրությունը և արդյունաբերությունը կկորցնեն իրենց արդյունավետության մակարդակը, գները կթանկանան ու մեր ժողովուրդը կրկին կբռնի արտագաղթի ճանապարհը: Նման ոչ մասնագետները իրավունք չունեն զբաղեցնելու այդպիսի պաշտոններ, քանի որ ռազմավարական վնաս են հասցնում մեր պետությանը և ապակողմնորոշում երկրի ղեկավարությանը: Այժմ կմարվի երկրի արդյունաբերության վերականգնման վերաբերյալ մեր ունեցած վերջին հույսը: Նման որոշումները կարող են ողջունել միայն մեր երկրի թշնամիները, քանի որ այն խիստ կնպաստի արտագաղթին: