Գործարարների հետ յուրաքանչյուր հանդիպմանը վարչապետ Հովիկ Աբրահամյանը վստահեցնում է, որ կանգնած է բիզնեսի կողքին եւ պատրաստակամ՝ լուծելու նրանց առաջ ծառացած խնդիրները: Արշակունյաց 2 հասցեում գործող 11 տնտեսվարող արդեն որքան ժամանակ է՝ կանգնած են լուրջ խնդրի առաջ, սակայն, ինչպես գործարարներն են ասում, հարցի լուծումը Երեւանի քաղաքապետարանը Ճանապարհային ոստիկանության վրա է գցում, ՃՈ-ն էլ՝ քաղաքապետարանի:
Իսկ այդ ընթացքում Գրիգոր Լուսավորիչ-Արշակունյաց խաչմերուկի տեսախցիկը մայթից օգտվող տնտեսվարողներին հարյուր հազարների տուգանքի է ենթարկում. տնտեսվարողներից բացի՝ տուգանվում են նաեւ այս խանութների վարորդ-հաճախորդները: Բիզնեսի համար առանց այդ էլ այս դժվարին պայմաններում խանութների սեփականատերերն արդեն հաճախորդներ են կորցրել՝ չնայած պարտաճանաչ վճարում են պետության հարկուտուրքերը: Սակայն, չգիտես ինչու, պետությունը նույն պարտաճանաչությամբ չի շտապում նրանց գործունեության համար նորմալ պայմաններ ստեղծել:
Լուսանկարը՝ ԼՈՒՍԻՆԵ ԲՈՒԴԱՂՅԱՆԻ
Կարդացեք նաև
«Առավոտ» օրաթերթ
11.06.2015
