Արարատյան Հայրապետական թեմի www.qahana.am ինտերնետային կայքի հոգատար նախաձեռնությունները, Նավասարդ Սրբազանի օրհնությամբ, վաղուց արդեն դուրս են եկել վիրտուալ ոլորտից և վերածվել կենդանի շփման, օգնության, հոգածության…
Բազմաթիվ ձեռքբերումների կողքին www.qahana.am-ն առանձնացնում է հանդիպումները և շփումները կայքի ընթերցողների և հայտնի մարդկանց հետ:
Տարիներ շարունակ ԱՀԹ առաջնորդարանի դահլիճում հարյուրավոր երիտասարդներ առիթ են ունեցել իրենց հարցադրումներն ուղղել հայտնի ու ճանաչված մարդկանց:
Կայքի ակտիվ նամակագիրներից Հովհաննես Բաղդասարյանը ցանկություն էր հայտնել հանդիպել իր սիրելի արտիստներին:
Կարդացեք նաև
Հովհաննես Բաղդասարյանի ցանկությունը՝ հանդիպել Միհրան Ծառուկյանի հետ, շատ արագ կյանքի կոչվեց: Սրբազան հոր օրհնությունից հետո Հովհաննեսը հետաքրքիր զրույցի բռնվեց qahana.am կայքի աշխատակիցների և իր սիրելի Միհրանի հետ: Այդ հանդիպումը կարևորվեց մեկ այլ նախաձեռնությամբ ևս.
Հովհաննեսն ունի առողջական խնդիրներ, և նրան հարկավոր է գումար՝ բուժումն արտերկրում շարունակելու համար: Qahana.am կայքի լոկ մեկ հայտարարությամբ հավաքվեց 200.000 դրամ՝ Հովհաննեսի բուժման համար:
Դեռ այսօր էլ շարունակվում է Հովհաննեսի համար դրամահավաքը, քանի որ Տուլայում կատարվող ոտքերի վիրահատության և հետվիրահատական շրջանի ծախսերն իրականացնելու համար անհրաժեշտ է 5.000 ԱՄՆ դոլար:
Այս հանդիպումից շատ չանցած՝ www.qahana.am կայքը նախաձեռնեց ևս մեկ հանդիպում՝ այս անգամ երգիչ, դերասան Արման Նշանյանի հետ: Ակնհայտ է Հովհաննեսի ոգևորությունը, երբ նա հանդիպում է իր սիրելի հայտնի մարդկանց: Նման հանդիպումները նրան խթան են դառնում՝ նոր ոգով շարունակել բուժումն ու շատ շուտով նրանց դիմավորել արդեն կանգնած:
Ջերմ և մտերմիկ զրույցի ժամանակ Հովհաննեսն ու Արմանն անկեղծ, բարի հարաբերություններ ստեղծեցին՝ ընկերանալով և մտերմանալով: Հովհաննեսի հարցերը բազում էին, իսկ Արման Նշանյանն էլ առանձնակի ոգևորությամբ և սիրով պատասխանում էր բոլոր հարցերին:
– Նման ջերմ հանդիպումները ինձ նոր ուժ են տալիս՝ պայքարելու և հաղթահարելու բոլոր դժվարությունները: Ես ընտրել եմ լրագրողի մասնագիտությունը և չունեմ բարդույթներ, վստահ քայլերով գնում եմ դեպի իմ հաջողությունը: Նման հանդիպումների ժամանակ ես ավելի եմ կոփվում և ճանապարհս ավելի հեշտ ու հարթ է թվում: Շնորհակալ եմ Արարատյան Հայրապետական թեմին՝ ի մասնավորի www.qahana.am կայքին, որն ինձ նման հնարավորություններ է տալիս», – իր խոսքում նշեց Հովհաննեսը:
Մենք լիահույս ենք, որ նման հանդիպումները շարունակական կլինեն և նոր խթան կհանդիսանան ֆիզիկական որոշակի խնդիրներ ունեցող անձանց համար:
Հովհաննեսին օգնել ցանկացողների համար «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ»-ում բացվել են հաշվեհամարներ:
ՀՀ տարածքից փոխանցումներ կատարելու համար անհրաժեշտ տվյալներն են.
«ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ»
220491630046958 RUS – ՌԴ ռուբլի
220491630368002 EUR – եվրո
220491631051001 USD – ԱՄՆ դոլար
220491635847000 AMD – ՀՀ դրամ
Ստացողի անուն, ազգանուն` Գոհար Գրիգորյան (մայր)
