Շվեդիայի Լանդսկրոնա քաղաքում ընթացող ծանրամարտի Եվրոպայի մինչեւ 15 եւ մինչեւ 17 տարեկանների առաջնությունում Հայաստանի ներկայացուցիչները հաջող են հանդես գալիս:
Մինչեւ երեկ մրցահարթակ մտած մեր հինգ տղաներից չորսը մրցանակակիր է դարձել՝ երկամարտում նվաճելով երկուական չեմպիոնի եւ փոխչեմպիոնի տիտղոս: Այսօր Հայաստանից պայքարի մեջ ներգրավվելու է եւս երեք ծանրորդ:
Մեր աղջիկների պայքարն սկսում է 15 տարեկանների 63 կգ քաշային կարգում հանդես եկող Լիանա Գյուրջյանը, որից, ինչպես նաեւ 62 կգ քաշայիններ Լեւոն Մանուկյանից ու Հրայր Հովհաննիսյանից (17 տարեկաններ) նույնպես մեդալների մեծ ակնկալիքներ կան:
Աշոտ ՀԱԿՈԲՅԱՆ
Կարդացեք նաև
