Գնդակը դիպել է արյունատար մեծ երակին
Այսօր, ժամը 11-ի սահմաններում Բերդի տարածաշրջանում, Նորաշեն գյուղից Չորաթան տանող ճանապարհի մոտ գտնվող հանդամասում Նորաշենի բնակիչներ, 58-ամյա Արամ Աթոյանը եւ 44-ամյա Արտակ Խանաղյանը մոտոցիկլով որսի են գնացել: Արտակ Խանաղյանը «ԻԺ-58» հրացանով կրակել, վիրավորել է փորսուղի: Երբ Արամ Աթոյանը մոտեցել է, փորձել է բահով հարվածել փորսուղին, Ա.Խանաղյանը 2-րդ անգամ է կրակել փորսուղին, սակայն գնդակը դիպել է Արամ Աթոյանին: Գնդակը կպել է Աթոյանի ազդրի արյունատար մեծ երակին, որի հետեւանքով նա մահացել է :
Երեք երեխաների հայր Ա. Աթոյանը Նորաշեն գյուղի էլեկտրիկն էր: Արտակ Խանաղյանը ամուսնալուծված է: Իրավապահներից տեղեկացանք, որ Ա. Խանաղյանի նկատմամբ քրեական գործ է հարուցվել ՀՀ քրեական օրենսգրքի 109 («Անզգուշությամբ մահ պատճառելը») եւ 294 («Ապօրինի որսը») հոդվածներով: Ներկայումս քննիչները ցուցմունքներ են վերցնում Ա. Խանաղյանից: Առաջիկայում նա, ամենայն հավանականությամբ, կձերբակալվի:
Կարդացեք նաև
Ոսկան ՍԱՐԳՍՅԱՆ
