Հեղինակային օպերային թատրոնների ցանկալի հյուր, Ա. Սպենդիարյանի անվան օպերայի եւ բալետի ազգային ակադեմիական թատրոնի մեներգիչ, ՀՀ վաստակավոր արտիստ Գեւորգ Հակոբյանի հյուրախաղային գործունեությամբ վերջին շրջանում զբաղվում է իտալական STAGE DOOR պրոդյուսերական կենտրոնը: Գերծանրաբեռնված արտերկրյա գրաֆիկով աշխատող երգիչը հաճախ ընդամենը մի քանի ժամով վերադառնում է Երեւան, բեմ բարձրանում, իսկ հետո դարձյալ մեկնում: Ճանաչված բարիտոնի հետ վերջին նման դեպքը պատահեց սեպտեմբերի 4-ին: Նա օգոստոսի 12-ից սեպտեմբերի 7-ը հրավիրված էր Գերմանիայի Քիլի բացօթյա թատրոն՝ Վերդիի «Նաբուկո» օպերայի պրեմիերային: «Պատուհան» գտնելով՝ սեպտեմբերի 4-ին նա վերադարձավ Երեւան, մասնակցեց «Հրավիրում են Լյուբով Կազարնովսկայան եւ Գեղամ Գրիգորյանը» բարեգործական գալա համերգին, ապա ժամեր անց մեկնեց:
«Առավոտի» կեսկատակ-կեսլուրջ հարցին, թե ինչքա՞ն «կձգի» այդպես, մեր զրուցակիցը կատակեց. «Ես էլ մարդ եմ, ռոբոտ չեմ»: Հետո պատասխանեց. «Վստահ եմ, որ հոգնածությունս հանդիսատեսը չի զգում: Այն, որ գերծանրաբեռնված գրաֆիկով աշխատելը ինձ չի թուլացնում, մի բացատրություն ունի՝ սիրածս գործով եմ զբաղվում»:
ՍԱՄՎԵԼ ԴԱՆԻԵԼՅԱՆ
Գեւորգ Հակոբյանի հետ հարցազրույցը
Կարդացեք նաև
«Առավոտ» օրաթերթ
10.09..2015
