Հայաստանի խորհրդարանը երեկ ընդունել է մի շարք ապրանքատեսակների ակցիզային հարկը բարձրացնելու՝ ծխախոտ, օղի, վառելիք, և ավտոմեքենաներին լիցքավորվող գազի համար էլ ակցիզային հարկ սահմանելու մասին օրինագիծը՝ երկրորդ ընթերցմամբ: Այն ուժի մեջ կմտնի 2016 թվականի մայիսից, ինչը նշանակում է, որ 2016 թվականի մայիսից Հայաստանում սպասվում են այդ ապրանքատեսակների թանկացումներ: Եվ եթե բանն ավարտվի միայն այդ ապրանքատեսակներով, այսպես ասած՝ մենք կհամարենք, որ դա չարյաց փոքրագույնն է:
Փորձը ցույց է տալիս, որ զանգվածային սպառման որևէ ապրանքատեսակի թանկացում իր հերթին բերում է այլ ապրանքների շղթայական թանկացման: Իսկ այս դեպքում խոսքը հենց նման ապրանքների մասին է, հատկապես ծխախոտի և վառելիքի ու ավտոմեքենաների գազի պարագայում: Եվ եթե սրան գումարենք նաև այն, որ գազն ու բենզինը նաև տրանսպորտային ծախսերն են բարձրացնում, ապա կարելի է լիովին պատկերացնել, թե ինչ է սպասվում Հայաստանի հասարակությանը 2016 թվականի մայիսից:
Կառավարությունը ներկայացնելով օրինագիծը՝ ասել է, որ դա բխում է ԵՏՄ պահանջներից: Այսպիսով, Հայաստանի հասարակությունը ԵՏՄ-ի, այսպես ասած, տնտեսական էֆեկտը դեռ չի տեսել, փոխարենը արդեն իր մաշկի վրա զգացել է մի շարք բացասական էֆեկտներ: Ըստ որում՝ խոսքը և՛ տնտեսության մասին է, և՛ անվտանգության, քանի որ Հայաստանի ԵՏՄ-ին անդամակցելուց հետո զարմանալիորեն ավելի ագրեսիվ է դարձել Ադրբեջանը, թեև Հայաստանի իշխանություններն ու ԵՏՄ-ին կողմ արտահայտվող քաղաքական այլ ուժերը հայտարարում էին, որ այդ որոշումը բխում է Հայաստանի անվտանգությունից, և Հայաստանը դառնում է ավելի անվտանգ:
Կարդացեք նաև
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
