«Ինտերնետ հանրություն» ՀԿ փոխնախագահ Գրիգորի Սաղյանի գնահատմամբ, Ինտերնետից օգտվելու մեր պատրաստվածության աստիճանը նախկին Խորհրդային միության երկրների պատրաստվածության աստիճանին է, այսինքն՝ մենք ոչ շատ առաջ ենք, ոչ էլ հետ:
Այսօր «Նոյան տապան» ակումբում պարոն Սաղյանն ասաց, որ Հայաստանի տրանսպորտի և կապի նախարարությունում ինտերնետ կառավարման հանձնաժողով է ստեղծված, այն բազմաշահառու է. «Այնտեղ կան պետական մարմինների ներկայացուցիչներ, հասարակական, կազմակերպությունների ներկայացուցիչներ: Արդեն չորս ժողով ենք անցկացրել»:
Մեդիափորձագետ Սամվել Մարտիրոսյանի տվյալներով էլ, Հայաստանում անցած տարվա դրությամբ բնակչության 60 տոկոսն է օգտվում ինտերնետից, և այս թիվն այս տարի բնականաբար աճած կլինի, սակայն գնալով աճի միտումը նվազելու է՝ հաշվի առնելով, որ մեծ քանակի ընտանիքներ կան, որոնք չեն կարող իրենց թույլ տալ ինտերնետի համար վճարել, չնայած որ Հայաստանում ինտերնետը էժան է, հասանելիության հնարավորությունները՝ մեծ:
Նրա խոսքով, որոշ ուսումնասիրությունների արդյունքներով՝ Հայաստանում ամեն երկրորդ-երրորդ համակարգիչը վարակված է, և Հայաստանը վարակված համակարգիչների թոփ տասնյակում է. «Հենց այն պատճառով, որ մենք շատ արագ աճել ենք, բնակչությունն ավելի անպաշտպան է՝ համեմատած այն երկրներին, որտեղ այդ աճը համաչափ է եղել»։
Կարդացեք նաև
Արփինե ՍԻՄՈՆՅԱՆ
