Հունվարի լույս 24-ի գիշերը Տավուշի մարզի Բերդի տարածաշրջանի սահմանամերձ Ներքին Կարմիրաղբյուր գյուղում կտրող-ծակող գործիքի 20 հարվածներով սպանվել է գյուղի բնակիչ, 1957թ. ծնված Ռազմիկ Իսրայելյանը: Նրա դիակը հայտնաբերվել է անասնագոմում:
Ռազմիկ Իսրայելյանը 1995թ. ամուսնալուծվել է, կինը բնակվում է Ռուսաստանում: Ռազմիկ Իսրայելյանը բնակվում էր ծեր հոր հետ, զբաղվում էր անասնապահությամբ:
Իրավապահ աղբյուրներից տեղեկացանք, որ սպանության պատճառը հավանաբար Ռ. Իսրայելյանի հետ ունեցած ֆինանսական խնդիրներն են:
Մեր տեղեկություններով՝ սպանվածը չի թալանվել:
Կարդացեք նաև
Քրեական գործով ձերբակալված անձ չկա, կատարվում է քննություն:
Ոսկան ՍԱՐԳՍՅԱՆ
Ինչպես կարելի է հասկանալ Տավուշի բաժնի ոստիկաններին` սպանության պատճառը հավանաբար Ռ.Իսրայելյանի հետ ունեցած ֆինանսական խնդիրներն են, սակայն սպանվածը չի թալանվել: Սա Տավուշի մարզի ոստիկանների միակ անտրամաբանական միտքն ու անգործության փաստը չէ: Հասել են նրան, որ մարզպետի տունն են թալանում, սահմանամերձ գյուղում մարդ են սպանում և բազմաթիվ այլ հանցագործություններ կատարում ու անպատիժ մնում, իսկ ՀՀ ոստիկանապետն էլ պարբերաբար հրաշունչ ելույթներ է ունենում?: