«ԶԼՄ-ներ և հոգեկան առողջություն» թեմայով Հայկական հոգեբուժական ասոցիացիայի և Երևանի պետական բժշկական համալսարանի համատեղ գիտաժողովի շրջանակներում կազմակերպված ֆորումի
հայտարարություն
Ֆորումի մասնակիցները դրական միտումներ են արձանագրում ԶԼՄ-ների կողմից մեդիադաշտը մաքուր պահելու և լրագրողական էթիկայի համընդհանուր նորմերին հետևելու գործում:
Միևնույն ժամանակ.
Կարդացեք նաև
Հիմք ընդունելով ժամանակակից աշխարհում.
· Հոգեկան խանգարումների աճը և այդ խնդրում հատկապես տեղեկատվության դերը,
· հասարակական գիտակցության վրա ԶԼՄ-ների աճող ազդեցությունը, ինչպես նաև այդ ազդեցության միջոցով բազմաթիվ չարաշահումների հնարավորությունը:
Հաշվի առնելով լրատվության ոլորտում.
կարգավորող հստակ մեխանիզմների և լրագրողական էթիկայի նորմերի անկատարությունը, ինչը մեծ հնարավորություն է ընձեռում իրականությանը չհամապատասխանող, աղավաղված և կանխակալ տեղեկատվության տրամադրմանը:
Փաստելով, որ նման իրավիճակը.
· Բացասաբար է անդրադառնում բնակչության հոգեկան առողջության վրա, իսկ երեխաների և դեռահասների պարագայում կարող է ունենալ կործանարար ազդեցություն,
· հնարավորություն է տալիս հասարակական գիտակցության հետ տարաբնույթ մանիպուլյացիաների, այստեղից բխող բոլոր հետևանքներով:
Կոչ ենք անում`
ԶԼՄ-ներին զերծ մնալ չստուգված, իրականությանը չհամապատասխանող և ավելի շատ բացասական երանգներով տեղեկատվության տրամադրումից, ինչպես նաև սահմանել ընդհանուր էթիկական նորմեր և հետևել դրանց:
Պատկան մարմիններին՝ ոլորտում առկա վիճակը կարգավորելու նպատակով իրացնել օրենսդրությամբ նախատեսված իրենց լիազորությունները և լրացնել օրենսդրության բացերը, ինչպես նաև միջոցներ ձեռնարկել ուղղված մեդիագրագիտության զարգացմանը:
«ԶԼՄ-ներ և հոգեկան առողջություն» գիտաժողովի կազմակերպիչների, մասնակիցների և ներկայացված կազմակերպությունների անունից պատրաստակամություն ենք հայտնում առավելագույն մասնակցություն ունենալ նշված խնդիրների լուծման գործում, ինչպես նաև խնդրում ենք սույն հայտարարությունը, որտեղ ավելի շատ կարևորվում է տեղեկատվության փոխանցման ձևը, չմեկնաբանել, որպես խոսքի ազատության որևէ սահմանափակման կոչ:
Հայկական հոգեբուժական ասոցիացիայի
Նախագահ
Արմեն Սողոյան
Պատասխանատու քարտուղար
Խաչատուր Գասպարյան
