Արդեն տեղեկացրել ենք, որ այսօր Կառավարության նիստից հետո Ազգային ժողովի աշխատակազմի ղեկավար Հրայր Թովմասյանը լրագրողների հետ զրույցում ընդդիմությանը կոչ էր արել չբոյկոտել եւ ակտիվ մասնակցել նոր Ընտրական օրենսգրքի քննարկման աշխատանքներին:
Aravot.am-ը ԱԺ Հայ ազգային կոնգրես խմբակցության ղեկավար Լեւոն Զուրաբյանից պարզաբանում խնդրեց, թե ընդունո՞ւմ են արդյոք Հրայր Թովմասյանի հրավերը. «Բայց նա ո՞վ է, որ հրավիրի: Ի՞նչ կարգավիճակ ունի, որ ընդդիմադիր ուժերին հրավիրի քննարկումների»,- պատասխանեց պարոն Զուրաբյանը:
Նրա կարծիքով՝ Ազգային ժողով աշխատակազմի ղեկավարը նման կարգավիճակ չունի, որ ընդդիմադիր ուժերին հրավիրի քննարկումների:
Լեւոն Զուրաբյանը հավելեց, որ Ազգային ժողովին խմբակցություններից քննարկումների մասնակցելու հրավերի Հայ ազգային կոնգրեսը չի ստացել:
Կարդացեք նաև
Հավելենք, որ Ընտրական նոր օրենսգիրքը մինչեւ մարտի 1-ը պետք է ներկայացվի Ազգային ժողովի քննարկմանը:
Աշոտ ԻՍՐԱԵԼՅԱՆ
