Թբիլիսիում Ադրբեջանի, Վրաստանի և Թուրքիայի արտգործնախարարների հանդիպումից հետո ստորագրվել է համատեղ հայտարարություն: Այս մասին հաղորդում է Trend-ը՝ վկայակոչելով Twitter-ում Ադրբեջանի ԱԳՆ պաշտոնական էջը:
Հանդիպումից հետո Ադրբեջանի արտգործնախարարը հայտարարել է, որ եռակողմ հանդիպումը բեղուն համագործակցության հարթակ է, որն իր դրական արդյունքներն է տվել և՛ քաղաքական, և՛ տնտեսական ոլորտներում:
«Մեր երկրների աշխարհագրական դիրքը բարենպաստ պայմաններ է ստեղծում տարանցիկ հնարավորությունների օգտագործման համար: Ենթակառուցվածքների և կոմունիկացիոն ուղիների զարգացումը պետք է դառնա մեր համագործակցության առաջնահերթություն»,- ասել է Ադրբեջանի արտգործնախարար Էլմար Մամեդյարովը:
Պատրաստեց՝ Վիկտորյա ԱՆԴՐԵԱՍՅԱՆԸ
