Ինչպես ավելի վաղ հայտնել էինք, նախագահական նստավայրի դիմաց այսօր ակցիա իրականացնող ակտիվիստներից 4-ը բերման են ենթարկվել: «Պառկեցինք անցումի վրա` կանաչ լույսի տակ` ի պաշտպանություն մասնավորապես Վարդգես Գասպարիի: Ոստիկանությունը պառկած մարդկանց բերման ենթարկեց: Ոստիկանությունն ասաց, որ եթե նրանք չկանգնեն, բերման կենթարկեն: Մոտ չորս հոգու տարան»,-«Ա1+»-ի հետ զրույցում ասել է ակտիվիստներից Արթուրը:
«Աննորմալ բան չեմ տեսնում այս ամենի մեջ: Մենք ամեն ինչ անում ենք, որպեսզի ուշադրություն գրավենք Վարդգես Գասպարիի վրա, իշխանությունն էլ վերջապես սթափվի, եւ Գասպարիին վտանգ չսպառնա»,-հավելել է ակցիայի մեկ այլ մասնակից: Ակտիվիստների հետագա գործողությունները դեռ հայտնի չեն: Գուցե նրանք գնան Արաբկիրի ոստիկանություն:
Լուիզա ՍՈՒՔԻԱՍՅԱՆ
