Մամուլում տեղեկություն էր տարածվել ,որ Հայաստանի Ամերիկյան համալսարանը (ՀԱՀ) չեղյալ է հայտարարել ԱԺ պատգամավոր Նիկոլ Փաշինյանի հետ մարտի 10-ին կայանալիք հանդիպումը՝ պատճառաբանելով, որ ՀԱՀ-ը չի ցանկանում, որպեսզի առաջիկա ընտրություններում մասնակցող քաղաքական գործիչը համալսարանը դարձնի քաղաքական հարթակ:
Aravot.am-ը թեմայի վերաբերյալ մեկնաբանություն խնդրեց Ամերիկյան համալսարանից: ՀԱՀ-ի լրատվականից մեզ հայտնեցին, որ տարածված լուրը իրականությանը չի համապատասխանում, պատգամավոր Նիկոլ Փաշինյանի հանդիպումը ուսանողության հետ չի հանվել, այն կկայանա նախատեսված օրը եւ ժամին, ուղղակի փակ կլինի, եւ միջոցառմանը կմասնակցեն միայն բուհի ուսանողները:
Հավելենք, որ Նիկոլ Փաշինյանը դասախոսություն կկարդա 21-րդ դարում կառավարման հայտնի ձեւերի ու ժողովրդավարության սկզբունքների մասին, նաեւ կպատասխանի միջազգային քաղաքականութան եւ լրագրության թեմայով հարցերին:
Գոհար ՀԱԿՈԲՅԱՆ