«Ըստ էության, արդի ժամանակաշրջանն է «մշակութային շոկ». ինչպես զինված ուժերում գտնվող մեր երեխաներն են մեր իսկ դաստիարակության արտացոլումը, այնպես էլ խորհրդարանը մեր հասարակության ամենավատ ընտրույթի արտացոլումն է: Բայց դա մենք ենք, այնպես չէ, որ խորհրդարանում մեզանից կտրված հանրություն է հավաքված»,-Aravot.am-ի հետ զրույցում ասաց ԱԺ «Ժառանգություն» խմբակցության պատգամավոր Զարուհի Փոստանջյանը` արձագանքելով գրող, սցենարիստ Վահրամ Մարտիրոսյանի կարծիքին:
Հիշեցնենք` նա ասել էր, որ ԱԺ որոշ պատգամավորների դեմքին նայելիս կարելի է «մշակութային շոկ» ապրել:
Զարուհի Փոստանջյանի կարծիքով` ներկայում բոլորն էլ մշակութային ճգնաժամ են ապրում. «Խնդիրն անձնավորված չէ եւ ողջ հանրության խնդիրն է: Այո, այսօր մշակութային ճգնաժամի մեջ ենք, եւ դա պայմանավորված է նաեւ նրանով, որ անկախության տարիներին, չնայած պետությունը զարգացնելու բարենպաստ պայմաններին, հակառակը տեղի ունեցավ: Մենք հետընթաց ապրեցինք, քանի որ ՀՀ 1,5 միլիոն ամենագործուն քաղաքացիներն այսօր բացակայում են երկրից»:
Լուիզա ՍՈՒՔԻԱՍՅԱՆ
Կարդացեք նաև
Արդար լինելու համար՝ ճիշդ է որ այս Տիկինը, իր ակնարկութեան համեմատ «մշակութային» առումով, մի քիչ տարբեր է – այս պարագային՝ լաւ իմաստով – իր քաղաքական կարգ մը հնամաշ գործընկերներից:
Այսուհանդերձ, ինք ալ իր ուզածին կամ կարծածին չափ չի պատկանում արեւմտյան, «արդիական» մշակոյթին:
Մի քիչ ցաւագին է դիտել թէ ան, տեւաբար, որքան զուր ու ապարդիւն ջանքեր է թափում, այդ ուղղութեամբ: «Ծանիր զքեզ»…
Եւ այո, ինչպէս ինք ասում է հառակակ ուղղութեամբ, այս դիտողութիւնն ալ չի վերաբերիր միայն իրեն, այլ ամբողջ երկրի խնդիրն է: