«Ոչ մի ռազմավարական դիրք հակառակորդին հանձնված չէ: Այդ 400-500 մետր շարժը, որի մի մասն իրենց կողմից է եղել, մյուս մասը՝ մեր, չպահվող, մեզ համար էական նշանակություն չունեցող դիրքեր են, պարզապես մանեւրելու համար են: Դիրքերի մեծ մասը մեր առաջին գծում կանգնած զինծառայողների խելացի հակահարվածների շնորհիվ վերականգնվել են»,-«Հանրային հեռուստաընկերության» եթերում հայտարարեց ՀՀ պաշտպանության նախարար Սեյրան Օհանյանը:
«Մենք ունենք չկիրառած զինատեսակներ, որոնց մասին հակառակորդն անգամ երազել չի կարող: Մեր սպառազինությունն անընդհատ թարմացվում, արդիականացվում է: Իհարկե, նոր սպառազինությունների կարիք էլ ունենք, որոնց ձեռքբերման ուղղությամբ աշխատանքներ են տարվում»,- նաեւ ասաց նա:
Հարցազրույցն ամբողջությամբ՝ տեսանյութում
Նոյնիսկ եթէ մէկ ու կէս մեթր է միայն այն հողաշերտը զորս թշնամին յաջողած է ցարդ գրավել, անհրաժեշտ է գոնէ ետ առնել այդ տարածքը:
Կարող է որ դիրքը ռազմավարական նշանակութիւն չունենայ (թէեւ, թէ որ այդպէս էր, դէհ լա՜ւ՝ իրենց սիրայօժար նվիրէինք. խի՞ պարապ տեղ մարդ կեանքն է վտանգել կամ զոհել անոր համար…):
Սակայն ամէն դէպքում, թրքական այդ առաջխաղացքը վստահաբար էական կարեւորութիւն ունի՝ խորհրդանշական, հոգեբանական, քաղաքական եւ դիւանագիտական մակարդակների վրայ:
Պատերազմ է, լաւապէս հասկանում ենք որ ամէն բան չէք ասելու մեզի, եւ սահման մը կայ անկեղծութեան, շատ նորմալ է, արդարացի է:
Սակայն նախընտրելի է ոչ մի բան չասել,
քան թէ այսպիսի բաներ ասել:
(Այս ակնարկութիւնը կատարում եմ ծնկաչոք, հարազատ խոնարհումով՝ Ազգային Բանակին եւ անոր ոեւէ ներկայացուցիչին նկատմամբ, քաջ գիտնալով որ առանց անոնց, մենք լիովին անէանալու ենք) :