23 ապրիլի 2016 թ. Երևան
Մարշալ Բաղրամյան պողոտայում ապրիլի 22-ին խաղաղ ցուցարարների և լրագրողների դեմ կիրառված բռնությունը երջանիկ պատահականությամբ չվերածվեց արյունահեղության:
Աղետալի վերջաբանի ակնհայտ հավանականություն ունեցող անհամաչափ և ապօրինի բռնությունը էլ ավելի խորացրեց համատարած հանրային ատելությունը քրեական ռեժիմի նկատմամբ:
Կատարվածը բացահայտեց, որ վարչախումբը.
Կարդացեք նաև
- հրաժարվում է հաշվետու լինել հասարակությանը մարդկային, տարածքային և նյութական կորուստների համար,
- մերժում է բանակը արդիականացնելու և վերազինելու նպատակով ժողովրդից թալանած միջոցները վերադարձնելու և պետության ձեռքում կենտրոնացնելու հանրային պահանջը,
- հավատարիմ է մնում տարածքներ զիջելու և Արցախում օտար զորքեր տեղակայելու ծրագրին:
Ոստիկանության ղեկավարությունն այդ օրը կանգնած էր օրենքով սահմանված կարգով ժողովրդի պահանջին կամ վարչախմբի դավադրական ծրագրին աջակցելու ընտրության առջև:
«Նոր Հայաստան» հանրային փրկության ճակատը դատապարտում է ոստիկանության պետի և մյուս ղեկավարների կատարած ընտրությունը, որով նրանք միացան հայ ժողովրդի դեմ դավադրություն իրականացնող անձանց կազմին և պատրաստակամություն դրսևորեցին մարտիմեկյան արյունալի սցենարով ճնշելու ժողովրդի հավանական դիմադրությունը:
Երկրի համար այս օրհասական պահին ոստիկանության ծառայողներին կոչ ենք անում հավատարիմ մնալ ժողովրդին և օրենքին ծառայելու իրենց երդմանը, այլ ոչ՝ իրենց հրամանատարների դավաճանական և ապօրինի հրամաններին:
«Նոր Հայաստան» հանրային փրկության ճակատի քաղաքական խորհուրդ
