«Նոր Հայաստան» հանրային փրկության ճակատի հայտարարությունը Կարգավորման գործընթացից Արցախին դուրս թողնելու վտանգի մասին
Ադրբեջանի ապրիլյան ագրեսիայի ընթացքի և դրա հետագա զարգացումների վերաբերյալ Սերժ Սարգսյանի վարչախումբը որդեգրել է համազգային ներուժի մոբիլիզացիայից խուսափելու և մեր ժողովրդին ու Արցախյան հակամարտության կարգավորմանն առնչվող միջազգային սուբյեկտներին մոլորեցնելու գործելաոճ՝ որպես միակ նպատակ ունենալով հայության շահերի հաշվին երկարաձգելու իր իշխանությունը:
Հատկապես մտահոգիչ է այն հանգամանքը, որ ս.թ. մայիսի 16-ին Վիեննայում կազմակերպվող հայ-ադրբեջանական հանդիպումը առաջին անգամ տեղի է ունենում Ադրբեջանի կողմից 1994 թ. հրադադարի եռակողմ համաձայնագիրը փաստացի չեղյալ հայտարարելու պայմաններում, ինչը կարող է ծառայել Արցախին կարգավորման գործընթացից դուրս թողնելու ադրբեջանական դավադրությանը:
«Նոր Հայաստան» հանրային փրկության ճակատը, հաշվի առնելով ազգային անվտանգությանն սպառնացող վտանգները չեզոքացնելու համար ներքին և արտաքին լսարանին ճշմարտությունը ներկայացնելու կարևորությունը, 2016 թ. մայիսի 16-ից վերսկսում է Ազատության հրապարակում մամուլի ասուլիսները, ինչպես նաև դիտարկում է առաջիկա օրերին հանրահավաք անցկացնելու հարցը:
Կարդացեք նաև
Զուգահեռաբար՝ մենք նախատեսում ենք նաև հանդիպումներ կազմակերպել դիվանագիտական առաքելություների հետ՝ ստեղծված իրավիճակի վերաբերյալ մեր տեսակետները ներկայացնելու նպատակով:
«Նոր Հայաստան» հանրային փրկության ճակատի քաղաքական խորհուրդ
ուֆ, ինչ լաւ…
երբեք չէի երեվակայեր թէ կարող եմ մի օր ել այս իւրայատուկ անհեթեթութեան մասին լուր տեսնել… սփոփանքով
որովհետեւ անոր վերսկսիլը նշան է թէ կեանքը վերադառնում է նորմալի. այսինքն… Հայաստանի «նորմալ»ին…
ամէն անձ՝ իր գործի՛ն,
ոնց որ այսօր գրել է իմաստուն Խմբագիրը
բարիով