«Հայկական վերածնունդ» միավորում կուսակցության ղեկավար Արթուր Բաղդասարյանը դեմ է պետական համակարգում կրճատումներին: Այս մասին իր դիրքորոշումը նա հրապարակել է ֆեյսբուքյան իր պաշտոնական էջում
Անթույլատրելի եմ համարում որակյալ և փորձառու մասնագետների կրճատումը: Ցավոք սրտի, այսօր կրճատման ենթակա չինովնիկների ցանկում հիմնականում հայտնվում են նրանք, ովքեր տվյալ ոլորտներում ունեն բազմամյա փորձ, հմտություն, ոլորտի զարգացմանը նպաստող ունակություններ: Նրանցից շատերը կանգնած են եղել տվյալ ոլորտի ստեղծման ակունքներում:
Եթե կրճատումների պահը հասունացել է, ինչին ես խիստ վերապահումով եմ մոտենում, ապա գտնում եմ, որ այդ ալիքի տակ պետք է ընկնեն հիմնականում նրանք, ովքեր ինչ-ինչ հնարավորություններով (խնամի, բարեկամ, սանիկ, քավոր) են հայտնվել տվյալ ոլորտում, կամ էլ թե չէ ներթափանցել են զուտ քաղաքական նկատառումներով (պորտֆելներ և այլն):
Հայաստանը դժվար օրեր է ապրում, երկրի սոցիալ-տնտեսական բալանսը խարխլված է: Գրեթե բոլոր ոլորտները կաղում և դոփում են նույն տեղում: Այս պայմաններում որակյալ մասնագետներից զրկվելը հղի է անդառնալի հետևանքներով:
Կարդացեք նաև
Բազմիցս ասել եմ և էլի կրկնում եմ՝ կոռուպցիայի դեմ պայքարի և կրճատումների միջև չի կարող լինել որևէ եզր: Այս ծանր պայմաններում մարդկանց զրկել ապրելու միակ միջոցից սխալ և ոչնչով չարդարացված քայլ է: Քայլ, որը տանում է դեպի արտագաղթ:
