Թուրքական Sozcu.com լրատվականի հոդվածագիր Նասուհ Մահրուքին ծավալուն անդրադարձ է կատարել 2016թ. հունիսի 2-ին Գերմանիայի խորհրդարանում Հայոց ցեղասպանության ճանաչման մասին բանաձևի ընդունմանը։
Մահրուքին իր հոդվածում պնդում է, որ Դաշնակցությունից հետո Հայոց ցեղասպանության ճանաչման ամենամեծ աջակիցը Գերմանիան է, իր այդ տեսակետը հիմնավորելով, որ Գերմանիան փորձում է իրեն հավասար մեղսակից գտնել և չլինել միակ պետությունը, որը հրեաներին ցեղասպանելու համար ամբողջ աշխարհի կողմից ճանաչվել է ցեղասպան պետություն։
Հոդվածագիրը փորձել է բացատրել նաև, թե ինչն էր պատճառը, որ Գերմանիան հենց հիմա ընդունեց նման բանաձև։ Մահրուքին կարծում է, որ դա էլ պայմանավորված է Թուրքիայի իշխող «Արդարություն և զարգացում» կուսակցության դիրքերի հետ։ Ըստ նրա՝ Թուրքիայում տեղի ունեցող գործընթացների հետևանքով իշխող կուսակցության դիրքերը բավականին թուլացել են, Գերմանիան էլ, օգտվելով հարմար առիթից, նման բանաձեւ ընդունեց։
Կարդացեք նաև
