Բազուկի ավելի հյութեղ եւ համեղ տեսակների կեղեւը մուգ է, արմատապտուղը` տափակ: Որպեսզի բազուկը համեղ ստացվի, եփելիս չպետք է կեղեւը մաքրել եւ արմատը կտրել:
Բազուկը եփել սառը ջրում` խորը, փակ ամանով: Եթե բազուկը եփել եք կեղեւը մաքրած, ջուրը պետք չէ թափել: Կարող եք ջուրը ուղղակի խմել կամ այդ ջրի մեջ բրինձ եփել, եւ ստանալ հաճելի կարմիր գույնով փլավ: Այն կաթի փոխարեն կարելի է նաեւ ավելացնել կարտոֆիլի խյուսին:
Եթե բազուկը եփելիս կաթսայի մեջ մի կտոր չոր հաց դնեք, այն իր մեջ կկլանի տհաճ հոտը:
Բազուկը շատ ուշ է եփվում: Եփման ժամանակը կրճատելու համար կաթսայի մեջ անընդհատ սառը ջուր ավելացնել: Հենց ջուրը սկսի եռալ, մեկ ժամ հետո այն վերցնել կրակից եւ տասը րոպե պահել հոսող ջրի տակ:
Բազուկը կպահպանի գույնը, եթե շոգեխաշեք քիչ ջրով, կարելի է նաեւ ավելացնել մի քիչ շաքար:
Պատրաստեց ԱՆՈՒՇ ՄԱԹԵՎՈՍՅԱՆԸ
«Արավոտ»
10.06.2016
