Ինչպես տեղեկացրել ենք, Ազատության հրապարակում տեղի ունեցան թեժ բախումներ քաղաքացիական ակտիվիստների և ոստիկանների միջև: Ոստիկանները հենց Ազատության հրապարակի հարթակից բերման ենթարկեցին Դավիթ Սանասարյանին, Շահեն Հարությունյանին և այլ ակտիվիստների:
Ակցիայի մասնակիցները փորձեցին շարժվել դեպի Էրեբունի, սակայն ոստիկանները անընդհատ Հյուսիսային պողոտայի երկայնքով մեկ փորձում էին շղթա կազմել և դիմադրել, ինչի ընթացքում տեղի էին ունենում բախումներ և բռնի ուժի կիրառում քաղաքացիների նկատմամբ:
Կարդացեք նաև
Հունան Պողոսյանին հաջողվեց կանխել բախումները: Նա սկսեց բանակցել ակտիվիստների հետ և ասաց, որ այժմ խաղաղ բանակցություններ են ընթանում Էրեբունիում, ակտիվիստները կխոչընդոտեն, կթեժացնեն իրավիճակը, ինչը ձեռնտու չէ ոչ քաղաքացիներին, ոչ էլ իշխանությանը: Նա խնդրեց, որ կոմպրոմիսի գնան: Ակտիվիստները համաձայնեցին՝ Հունան Պողոսյանից կորզելով խոստում, որ Ազատության հրապարակում շարունակելու են խաղաղ ցույցը և իրենց որևէ կերպ չեն խոչընդոտելու:
Այս պահին իրավիճակը մնում է լարված ակտիվիստների և ոստիկանների միջև: Ոստիկանները դարձյալ գնում են բախումների:
Մանրամասները՝ շուտով:
Հռիփսիմե ՋԵԲԵՋՅԱՆ
Ժողովուրդ, ինչի՞ ես սպասում, դուրս արի Փողոց: Եթե Փողոց դուրս չգաս, չպայքարես, շատ վատ կլինի: Ստրուկի նման ինչքա՞ն ապրենք: