Հոկտեմբերի 8-ին մայրաքաղաքն իր 2798-րդ ամյակը նշեց ամեն կերպ և ամենուր: Նշանառության տակ, սակայն, Կենտրոն վարչական շրջանն էր:
Ազատության հրապարակից մինչև Հանրապետության հրապարակ, Կարապի լճից մինչև Մաշտոցի պուրակ վառ գույներ էին ու բարձր երաժշտություն: Քաղաքի տոնակատարության շրջանակներում կազմակերպված 33 միջոցառումներն էլ համախմբել էին Երևանի ամենատարբեր բնակիչներին:
Կարդացեք նաև
Միջոցառումների ցանկում ներառված թե’ ֆիզիկական, թե’ մտավոր սպորտային խաղերը համախմբել էին պրոֆեսիոնալներին ու ոչ պրոֆեսիոնալներին մեկ մրցահարթակում:
Իսկ ամենախենթերին ուղղակի «ջուրն էր տարել»:
Ու չնայած լուսանկարների ցուցահանդեսում ազատությունը հիմնականում սև ու սպիտակ էր պատկերված, երիտասարդներն իրար միայն վառ գույներով էին ներկում:
Դասականից ջազ ու մինչև ռոք` երաժշտասերներից յուրաքանչյուրն իր ձևով էր «խելագարվում»: Ոմանք տոնում էին միմյանց գրկած ու առանց խոսքերի, ոմանք էլ` ձայնի ողջ բարձրությամբ:
Ու չնայած ժամեր անց մեկօրյա տոնը ավարտվելու էր, ու Երևանը նորից ամենօրյա դառնար, տոնակատարության ավարտին արված սելֆին այսպիսի օրը մոռացնել չի տա:
Հեղինակ-լուսանկարիչներ` Լիա Շահնազարյան, Քնարիկ Մարտիրոսյան
ԵՊԼՀ, ԹՄՀ ֆակուլտետ, 3-րդ կուրս, անգլերեն և լրագրություն
