2016թ. Գրականության նոբելյան մրցանակը շնորհվել է ամերիկացի բանաստեղծ, հեղինակ-կատարող Բոբ Դիլանին՝ «ամերիկյան երգի ավանդույթում նոր բանաստեղծական լեզվի մշակման համար»: Այս մասին հայտարարել է Շվեդական ակադեմիայի մշտական քարտուղար Սարա Դինուսը, հաղորդում է Lenta.ru-ն:
2016թ. մրցանակի համար նախատեսվող գումարը կազմում է 8 մլն շվեդական կռոն (923 հազար դոլար):
Նշենք, որ բուքմեյքերական ընկերությունները այս տարվա Գրականության նոբելյան մրցանակի հավակնորդներ էին համարում ճապոնացի գրող Հարուկի Մուրակամիին, քենիացի գրող Նգուի Վա Տխինոնգոյին, նորվեգացի դրամատուրգ Յուն Ֆոսսեին, ամերիկացի դասական Ֆիլիպ Ռոտին, սիրիացի բանաստեղծ Ադոնիսին և ամերիկացի արձակագիր Դոն Դելիլոյին:
Պատրաստեց՝ Վիկտորյա ԱՆԴՐԵԱՍՅԱՆԸ
