Այսօր կառավարությունից իրենց բնակարաններն էին պահանջում Ֆիրդուսի եւ Բուզանդի թաղամասի բնակիչները, որոնք 10 տարի է սպասում են իրենց բնակարաններին: Նրանց տները իրացվել են` պայմանով, որ կառուցվող շենքից բնակարան կստանան, սակայն, ինչպես մեզ հետ զրույցում «ֆիրդուսցիներն» ասացին, «մնացել են անտուն, թափառական»:
Նրանց խոսքերով, մի շարք պաշտոնյաներ` Հովիկ Աբրահամյանը, Հերմինե Նաղդալյանը, Մշակույթի նախկին նախարար Հասմիկ Պողոսյանը «տաք-տաք» տեղավորվել են իրենց բնակարանների տեղում` Բուզանդի փողոցում կառուցված շենքում , իսկ երկար տարիներ այդ փողոցում բնակված բնակիչներն այսօր անտուն են:
Բնակիչներից մեկի խոսքերով, իրենց առաջարկում են փոքր կենտրոնում փոխհատուցում մեկ քմ-ն 630 դոլար, սակայն իրենք հրաժարվում են, քանի որ նման գնով Փոքր կենտրոնում բնակարան չես կարող գնել:
«Եթե դու տենց ճարպիկ ես, կարողանում ես 630 դոլարով տուն առնես, գնա առ, իմ տունը տուր, ինձ քո փողը պետք չի»,-ասաց Արմենուհի Ղուկասյանը:
Կարդացեք նաև
Երբ հերթական անգամ ֆիրդուսցիների բողոքը լսելու դուրս եկավ կառավարության նամակների բաժնի ղեկավար Ալեքսանդր Ղազարյանը, ցույցի մասնակիցները պահանջեցին` օր ու ժամ ասել, թե երբ են իրենց հարցը լուծելու:
Մանրամասները` տեսանյութում
Իրացման գոտու բնակիչները, որոնց տներն իրացվել էին հանուն գերակա շահի, կառավարության առաջ նստացույց արեցին:
Լուսինե ԲՈՒԴԱՂՅԱՆ
