Երեկ հրավիրված ասուլիսի ժամանակ ՀՖՖ նախագահ Ռուբեն Հայրապետյանը, Սպորտի և երիտասարդության նախարար Հրաչյա Ռոստոմյանին խորհուրդ էր տվել զբաղվել ատամնաբույժի գործունեությամբ եւ չխառնվել իր ղեկավարած կառույցի գործունեությանը: «Սպորտի նախարարն իրավունք չունի խառնվելու ֆուտբոլի գործերին։ ՖԻՖԱ-ի կանոնագրքի համաձայն` նա իրավունք չունի խառնվելու ֆուտբոլի ֆեդերացիայի հարցերին։ Եթե նա այդպիսի բան փորձի անել, ապա կպատժվի օրենքով»,- ասել էր Ռուբեն Հայրապետյանը:
Այսօր խորհրդարանում լրագրողների հետ զրույցում Հրաչյա Ռոստոմյանը մեկնաբանելով Ռուբեն Հայրապետյանի հայտարարությունը՝ նախ ասաց, որ վիրավորական ոչինչ չկա ատամնաբույժ աշխատելու մեջ: Նա պատմեց, որ տարիներ առաջ մարզերից մեկում ատամնաբույժ է աշխատել:
Հակադարձելով Ռուբեն Հայրապետյանին՝ ասաց. «Ես չեմ կարծում, որ պարոն Հայրապետյանն ինձ խորհուրդ տվողների ցանկում ներգրավված է, սա էլ ընդունեք ի գիտություն»:
«Կլինի ֆուտբոլ, կլինի այլ մարզաձեւ, երբ որ տեսնում եմ խնդիրներ, ես չեմ կարող որեւէ ներգրավվածություն չունենալ»,- հայտարարեց նախարարը`բացառելով, որ կարող է հետեւել Ռուբեն Հայրապետյանի խորհրդին:
Կարդացեք նաև
Մանրամասները` տեսանյութում
Նելլի Գրիգորյան
