Հայաստանի բանկային համակարգը դարձել է իսկապես ռեգրեսիվ գործոն առանց այն էլ շնչահեղձ տնտեսության եւ ժամառժամ ունեզրկվող հասարակության համար։ Ժամանակին դինամիկ զարգացող եւ որոշակիորեն առաջընթաց ապահովող այս կառույցն այսօր ամենապահպանողական համակարգն է, որն իր ինքնապահովագրման եւ ինքնապաշտպանական խնդիրներից զատ՝ այլ խնդիր կարծես թե չի լուծում։ Պետություն պետության մեջ՝ միայն սեփական շահի եւ խաղի կանոններով։
Ասվածի հիմնավորում կարող է լինել թեկուզ միայն այն, որ արդեն տեւական ժամանակ Կենտրոնական բանկն իջեցնում է վերաֆինանսավորման տոկոսադրույքը, սակայն մասնավոր բանկերը գրեթե չեն արձագանքում այս փաստին՝ իրենց հերթին նվազեցնելու իրավաբանական եւ ֆիզիկական անձանց տրամադրվող վարկերի տոկոսադրույքները։
Այս պահին վերաֆինանսավորման տոկոսադրույքը բավական ցածր է եւ կազմում է ընդամենը 6,5%, ինչը նշանակում է, որ մեր մասնավոր բանկերը Կենտրոնական բանկից հենց այս տոկոսով են վարկ վերցնում եւ իրենց հերթին վարկավորում տնտեսությունն ու մասնավոր անձանց պահանջարկը:
Թամարա ՂԱԼԵՉՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
