ՄՅՈՒ-ի եւ Հայաստանի ազգային հավաքականի կիսապաշտպան Հենրիխ Մխիթարյանը ինչ սկսել է խաղադաշտ մտնել իր ակումբի հիմնական կազմում, ճանաչվում է լավագույն ֆուտբոլիստ:
Բացառություն չեղավ նաեւ Անգլիայի առաջնության 15-րդ տուրում «Տոտենհեմի» հետ խաղը, որը շնորհիվ Հենրիխ Մխիթարյանի խփած միակ գոլի, օդի պես անհրաժեշտ հաղթանակ բերեց «Մանչեսթեր Յունայթեդին»: Սակայն հյուրերի պաշտպան Դեննի Ռոուզի՝ թիկունքից կատարած բացահայտ կոպիտ խախտումը Մխիթարյանին հնարավորություն չտվեց հանդիպման ավարտից հետո խաղադաշտում վայելել իր կատարած հիանալի աշխատանքի պտուղները (ստացած վնասվածքի պատճառով նրան դուրս բերեցին պատգարակով): Այդուհանդերձ, ՄՅՈՒ-ի երախտապարտ երկրպագուները նրան ճանապարհեցին հոտնկայս ծափահարություններով եւ հատուկ հայ ֆուտբոլիստին նվիրված երգով:
Աշոտ ՀԱԿՈԲՅԱՆ
Լուսանկարը՝ manutd.com-ի
