«Քաղաքական PR-ի տեսակետից նախընտրական տարում նման օրինագիծ բերելը Ազգային ժողով իսկապես բավականին ռիսկային էր, եւ ես կասեի, անիմաստ»,- դեկտեմբերի 19-ին «Մեդիա կենտրոնում» լրագրողների հետ հանդիպման ընթացքում, անդրադառնալով «Գնումների մասին» նոր օրենքին, ասաց քաղտեխնոլոգ Վիգեն Հակոբյանը:
Նա նշեց, որ օրինագիծը կոռուպցիոն ռիսկեր է պարունակում. «Այդ կառույցները առանց այդ օրինագծի անում էին նույնիսկ այսպես կոչված բաց ռեժիմում: Այս առումով, PR-ի տեսակետից, չեմ հասկանում իմաստը, թե ինչու են փակում այդ ծախսերը: Այս տեսակետից՝ անիմաստ է»:
Վիգեն Հակոբյանը կարծում է, որ շտապողականությունը պայմանավորված է հինգերորդ գումարման Ազգային ժողովի վերջին ժամկետի հետ: Ըստ նրա, դա քաղաքական ոչ արդարացված ռիսկ է. «Գուցե շտապում են, որ այս Ազգային ժողովը, որտեղ կա ճնշող մեծամասնություն գործող իշխանությունների մոտ այս օրինագիծը վավերացնի: Գուցե հաջորդ Ազգային ժողովը այսքան փափուկ չլինի իշխանության ներկայացրած նախագծերի նկատմամբ»:
Ամի ՉԻՉԱԿՅԱՆ
