«ՌԴ-ն եւ Թուրքիան առանցքային դեր են գրավում բանակցություններում, կարծես թե նրանց միջեւ որոշակի համագործակցություն կա»,-«Հայելի» մամուլի ակումբում այսօր անդրադառնալով Աստանայում հունվարի 23-ին Սիրիայի հարցով կայանալիք ՌԴ-Թուրքիա-Իրան ձեւաչափով բանակցություններին, ասաց ՀՀ արտակարգ եւ լիազոր դեսպան Արման Նավասարդյանը:
Ըստ նրա՝ Աստանայում տեղի է ունենալու ոչ միայն թուրք-իրանական հարաբերությունների սրում. «Իրանը գտնում է, որ իր թիկունքում ՌԴ-ն եւ Թուրքիան վարում են ի վնաս Իրանի շահերի քաղաքականություն: Եթե սրվեն Իրան-Թուրքիա հարաբերությունները, հնարավոր է՝ վատթարանան ռուս-իրանական հարաբերությունները»:
Արման Նավասարդյանը հավելեց. «Չեմ զարմանա, եթե Աստանան օգտագործվի որպես հակահայկական ամբիոն: Դրա համար պետք է ներկա գտնվել եւ պաշտպանել Հայաստանի շահերը»:
Անդրադառնալով սիրիական հակամարտության շուրջ հնարավոր զարգացումներին՝ դիվանագետը նկատեց՝ ՌԴ-ն ցանկանում է վերջնական խաղաղության հանգրվանի հասնել Սիրիայում, սակայն այստեղ եւս այլ դերակատարների՝ Թուրքիայի եւ Իրանի շահերի բախման խնդիր կա:
Կարդացեք նաև
Լուիզա ՍՈՒՔԻԱՍՅԱՆ
