ՀՀ վերահսկիչ պալատը 2016 թվականի փետրվարի 8-ից մինչեւ դեկտեմբերի 10-ը ուսումնասիրություններ է իրականացրել սոցիալական ծառայություններ տրամադրող տարածքային գործակալություններում եւ բաժիններում։ Վերահսկողության ընթացքում հայտնաբերվել են մի շարք խախտումներ;
Վերահսկիչ պալատի հաշվետվությունից «Ժողովուրդ» օրաթերթին հայտնի դարձավ, որ Սյունիքի, Վայոց ձորի, Շիրակի, Գեղարքունիքի եւ Տավուշի մարզպետարանների ենթակայության թվով 20 սոցիալական աջակցության տարածքային գործակալությունների (ՍԱՏԳ) եւ Ջերմուկի սոցիալական աջակցության տարածքային բաժնի վերահսկողության արդյունքում հայտնաբերվել են 539 դեպքով 63 մլն 618 հազար դրամի չափով տարբեր բնույթի խախտումներ։
Օրինակ՝ ՀՀ աշխատանքի եւ սոցիալական հարցերի նախարարության «Նորք» տեղեկատվա-վերլուծական կենտրոնի (ՏՎԿ) կողմից հարակից բազաներով ՍԱՏԳ/Բ/-ներին տրամադրված տեղեկատվության իրացման վերահսկողության արդյունքում հայտնաբերված 283 դեպքերով խախտումների գումարը կազմել է ընդհանուր 29 մլն 652 հագար դրամ։
Ըստ ՎՊ-ի՝ նպաստառու ընտանիքների կազմի, բնակարանային պայմանների, բնակության վայրի ճշտության ստուգման արդյունքում հայտնաբերվել է 90 խախտում՝ ընդհանուր 13 մլն 804 հազար 500 դրամի։
Իսկ ահա նպաստառու ընտանիքների անդամների՝ ըստ բնակության վայրի հաշվառման եւ այդ տվյալների համակարգ մուտքագրման ճշտության ստուգման արդյունքում հայտնաբերվել է 26 խախտում՝ ընդհանուր 6 մլն 111 հազար 500 դրամի։
Սյունէ ՀԱՄԲԱՐՁՈՒՄՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
