Այս օրերին սուսերամարտի Հայաստանի հինգ սուսերամարտիկներ Բուլղարիայում են: Նրանք պետք է մասնակցեն պատանիների եւ երիտասարդների Եվրոպայի առաջնությանը:
Անցած ամիս պատանի սուսերամարտիկները Իտալիայում մասնակցել են աշխարհի գավաթի խաղարկությանը, որտեղ Մայքլ Հովհաննիսյանը տեղ է զբաղեցրել 20-րդ հորիզոնականում: Հայաստանի սուսերամարտի ֆեդերացիայում ասում են, որ այդպիսի արդյունք դեռ չէր եղել:
Ֆեդերացիայում ասում են նաեւ, որ աշխատանքներ են տարվում 2018 թվականին Բուենոս-Այրեսում կայանալիք պատանեկան օլիմպիական խաղերի ուղեգիր նվաճելու համար: Իսկ մինչ այդ, այս տարիքային խմբերը հանդես են գալու աշխարհի, մեծահասակները՝ Հայաստանի առաջնությունում:
Աշոտ ՀԱԿՈԲՅԱՆ


















































