«Այսօր առավոտյան Կարեն Կարապետյանի հետ երկրորդ հեռախոսազրույցն եմ ունեցել կերոսինի թեմայով: Հարցը լուծված է: Կերոսինը սկսել են մաքսազերծել: Գնումներն իրականացնում են պետական մարմինները, իսկ այդ ապօրինությունը թույլ տվող չինովնիկները պետք է պատասխանատվության ենթարկվեն»,-«ԵԼՔ» դաշինքի միասնական շտաբում այսօր լրագրողների հետ հանդիպմանն անդրադառնալով օրերս ԱԺ հարցուպատասխանի ժամանակ վարչապետ Կարեն Կարապետյանի՝ կերոսինի շուրջ հնչեցրած հայտարարությանը, ասաց դաշինքի կազմում ընդգրկված «Քաղաքացիական պայմանագիր» կուսակցության վարչության անդամ, ԱԺ պատգամավոր Նիկոլ Փաշինյանը:
Հիշեցնենք, որ ըստ վարչապետի՝ անորակ վառելիքի պատճառով ապրիլյան քառօրյայի ժամանակ զինտեխնիկան չի աշխատել:
Նիկոլ Փաշինյանի հավաստմամբ՝ հետագայում մանրամասն կպարզեն, թե ինչ տեղեկատվության հիմա վրա էր արվել վարչապետի հայտարարությունը:
Արդյոք դրանում Սեյրան Օհանյանին պատժելու միտում կա՞, պատգամավորի խոսքով. «Որտեղ պատասխանատու է Սեյրան Օհանյանը, պատասխանատու է նաեւ Սերժ Սարգսյանը: Հակառակը եւս որոշակիորեն հնարավոր է»:
Կարդացեք նաև
Մանրամասն՝ տեսանյութում
Լուիզա ՍՈՒՔԻԱՍՅԱՆ
