«Առավոտի» 10.03.2017 թվականի «Նուրբ օրգանական քիմիայի ինստիտուտը որպես պահնորդ շներ է պահում, բայց չի կերակրում» հրապարակմանն արձագանքելով՝ Օրգանական եւ դեղագործական քիմիայի գիտատեխնոլոգիական կենտրոնից նշեցին, որ նշյալ տարածքն իրենցն է, բայց շները` ոչ: Հոդվածում նշել էինք, որ ինստիտուտի տարածքի շները հարձակվում են հարակից տարածքների բնակիչների վրա, քանի որ չեն կերակրվում: Նաեւ նշել էինք, դրա պատճառներից մեկն այն է, որ ինստիտուտը, որը ներկայումս վերանվանված է Օրգանական եւ դեղագործական քիմիայի գիտատեխնոլոգիական կենտրոն, իր նախկին հզորությամբ չի աշխատում, շներն էլ ընկած դռնեդուռ` կերակուր են փնտրում:
Կենտրոնից «Առավոտի» հետ զրույցում նշեցին, որ իրենց հիմնարկը նախկին հզորությամբ աշխատում է. «Միշտ ոնց որ աշխատել ենք, այդպես էլ աշխատում ենք, բայց շները մերը չեն, եւ այդ հարցով մենք էլ դիմել ենք Քանաքեռ-Զեյթուն վարչական շրջան, քանի որ մեր աշխատակիցների վրա էլ են հարձակվում: Դրանք թափառող շներ են եւ մերը չեն: Եթե շների ոհմակը գալիս է մեր տարածքով անցնում, մենք ի՞նչ անենք, մեր գործը շուն բռնելը չէ, գիտությամբ զբաղվելն է»:
Գիտատեխնոլոգիական կենտրոնից վստահեցրին, որ իրենք ունեն պահակային ծառայություն, եւ իրենց շներ պետք չեն:
Կարդացեք նաև
ԼՈՒՍԻՆԵ ԲՈՒԴԱՂՅԱՆ
«Առավոտ»
18,03.2017
Ես բազմիցս տեսել եմ այս շներին, իրենք չեն հարձակվում մարդկանց վրա