Հարցազրույց Տարածաշրջանային հետազոտությունների կենտրոնի նախագահ Ռիչարդ Կիրակոսյանի հետ:
– ԼՂՀ ՊԲ նախկին հրամանատար Սամվել Բաբայանը միշտ աչքի է ընկել ԼՂ հակամարտության կարգավորման հարցում կոշտ եւ անզիջում դիրքորոշմամբ։ Նրա ձերբակալությունն ունի՞ քաղաքական ենթատեքստ, ի՞նչ հետեւանքներ կարող է ունենալ։
– Ձերբակալության հետագա ընթացքը ցույց կտա, թե ինչ հետեւանքներ կարող են լինել։ Սակայն նա վտանգավոր անձնավորություն է Հայաստանի համար։ Եվ, ի վերջո, մենք պետք է հիշեցնենք այն մասին, որ նա տարիներ առաջ սպանության փորձ է կատարել ԼՂՀ նախկին նախագահ Արկադի Ղուկասյանի նկատմամբ։ Նա հայկական քաղաքականության մեջ թունավոր շրջապատի մի ներկայացուցիչն է։ Եվ «Օհանյան-Րաֆֆի-Օսկանյան դաշինքը» պետք է շատ
զգույշ լինի Սամվել Բաբայանին պաշտպանելիս։
Կարդացեք նաև
– Սամվել Բաբայանի ձերբակալությունը կբարձրացնի՞ այդ դաշինքի վարկանիշը։
– Նրանց վարկանիշը ցածր էր եւ կշարունակի իջնել։
– Իսկ քաղաքական ո՞ր ուժերն են գրագետ եւ ընտրողների համար ընկալելի քարոզարշավ անցկացնում, որո՞նք կարող են հավակնել՝ տեղ գտնելու խորհրդարանում։
– Ընտրությունների աբսուրդային թատրոնում մենք արդեն տեսնում ենք կեղծ ընդդիմությունը՝ «Ծառուկյան դաշինքը», «Հայկական վերածնունդը», ՀՅԴ-ն, որոնք կարող են կոալիցիայի մեջ մտնել ՀՀԿ-ի հետ։ Եվ սա նշանակում է, որ միակ ընդդիմադիրը «Ելք» դաշինքն է։
– Իսկ ՀԱԿ-ը՝ իր առաջ քաշած գաղափարներով, վայելո՞ւմ է հանրային աջակցություն։
– Ես կարծում եմ, որ նրանց ժամանակն արդեն անցել է։ Եկել է նոր սերնդի եւ նոր ընդդիմության ժամանակը։
Թագուհի ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
