Լոռու մարզն ընդգրկող թիվ 9-ը ընտրատարածքում ապրիլի 2-ին տեղի ունեցած ընտրություններին ՀՀԿ-ն ամենից շատ ձայներն է հավաքել: Այս մարզը, պարզվում է, «ամենահանրապետականն է», ՀՀԿ-ի օգտին են քվեարկել 85. 689 քաղաքացի:
Լոռու մարզում երկրորդ տեղում «Ծառուկյան դաշինքն է», վերջին տեղում՝ ամենաքիչ ձայներով՝ «Ազատ դեմոկրատները»:
ՀՀԿ-ի օգտին ամենից շատ Լոռու մարզից հետո քվեարկել են Սյունիքի ու Վայոց Ձորի մարզերն ընդգրկող թիվ 12 ընտրատարածքում՝ 58.137 քաղաքացի, այս ընտրատարածքի ընտրողներն ամենից քիչ քվեարկել են Հայաստանի կոմունիստական կուսակցության օգտին՝ ընդամենը 546 մարդ:
Ամենաքիչը ՀՀԿ-ի օգտին քվեարկել են թիվ 10՝ Կոտայքի մարզն ընդգրկող ընտրատարածքի ընտրողները, այստեղ ՀՀԿ-ին նախընտրել են 48.323 ընտրողներ, առաջատարն այս մարզում «Ծառուկյան դաշինքն է» ՝ 61.267 քվեով:
Կարդացեք նաև
Խորհրդարանական ընտրություններին մասնակցող քաղաքական ուժերից որեւէ մեկին որեւէ ընտրատարածքում ընտրողները չեն բոյկոտել այնպես, որ զրո քվե գրանցվի:
Բայց «Ազատ դեմոկրատներն» ու Հայաստանի կոմունիստական կուսակցությունը գրեթե բոլոր ընտրատարածքներում ամենապասիվ ընտրողներն են ունեցել, երբ մյուս ուժերի ձայները հազարների էին հասնում, վերը նշված կուսակցությունների ձայները 13 ընտրատարածքից 8-ում սահմանափակվել են մի քանի հարյուրով:
Արփինե ՍԻՄՈՆՅԱՆ
