Հայտնի է, որ ավելի լավ է կանխարգելել, քան եղածը սկսել շտկել: Դեմքի եւ պարանոցի մաշկի ծերացումը եւս ունի այդ խնդիրը եւ եթե պարբերաբար սնուցող, խոնավեցնող դիմակներ դնեք, ապա կնճիռները շուտ չեն հայտնվի:
Վերցնել 1 ճաշի գդալ կաթնաշոռ եւ խառնել նույնքան գազարի կամ որեւէ այլ մրգի կամ բանջարեղենի հյութի հետ: Դիմակը քսել դեմքին եւ պարանոցին, պահել 20 րոպե:
Վերցնել 2 ճաշի գդալ սպիրտ, 2 ճաշի գդալ ջուր եւ խառնել 100 գրամ տաքացրած մեղրին: Դիմակը քսել դեմքին, պահել 10-12 րոպե: Այն ունի մաքրող, ախտահանող եւ մաշկը փափկեցնող հատկություն:
Երիտասարդացնող դիմակ կարող եք պատրաստել հետեւյալ բաղադրատոմսով` վերցնելով 90 գրամ գարու ալյուր, որին խառնել 35 գրամ մեղր եւ 1 ձվի նախապես հարած դեղնուց: Դիմակը քսել դեմքին, պահել 15-20 րոպե:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
24.05.2017
