Քիչ առաջ Շենգավիթ վարչական շրջանի ընդհանուր իրավասության դատարանում մեկնարկեց Ժիրայր Սեֆիլյանի եւ մյուսների գործով դատական նիստը: Դատավոր Տաթեւիկ Գրիգորյանն ամբաստանյալներ Ժիրայր Սեֆիլյանի եւ Ներսես Պողոսյանի հանդեպ սանկցիա կիրառեց՝ հեռացնել նիստերի դահլիճից, քանի որ իր գալուն պես նրանք ոտքի չէին կանգնել:
Ամբաստանյալները դժգոհեցին, բղավեցին, որ իրենց իրավունքներն են ոտնահարում, որ գործը սարքած է: Նրանց ոստիկանները բռնի ուժով հեռացրեցին նիստերի դահլիճից, ինչն առաջացրեց ապակե պատնեշից այս կողմ գտնվող հարազատների եւ համախոհների զայրույթը: Նրանք շարունակ բղավում են, անեծքների տարափ թափում դատավորների ու ոստիկանների վրա:
Նիստն ընդմիջվել է, մանրամասն՝ առաջիկայում:
Լուիզա ՍՈՒՔԻԱՍՅԱՆ
