Aravot.am-ը Գնահատման եւ թեստավորման կենտրոնի (ԳԹԿ) տնօրեն Արա Իսպիրյանից հետաքրքրվեց վերջին` ռուսերենի քննության արդյունքներից: Պարոն Իսպիրյանն ասաց, որ 501 դիմորդ է մասնակցել քննությանը, մինչդեռ պետք է մասնակցեր 547-ը, բացակայել է 46 հոգի: Ռուսերենի քննության միջին միավորը եղել է 10,2, անբավարար է ստացել 27%-ը, առավելագույն` 20 միավոր ստացել է ընդամենը 4 հոգի:
ԳԹԿ տնօրենը հավելեց, որ ռուսերենի քննության արդյունքները մի փոքր ցածր են, քան մյուս առարկաներինը: Նրա փաստմամբ, վերջին տարիներին ռուսաց լեզվի քննությունների արդյունքները ցածր են լինում:
Գոհար ՀԱԿՈԲՅԱՆ
