Aravot.am-ը իր ընթերցողներից հետաքրքրվել էր, թե արդյոք վերջիններս կարդացե՞լ են կառավարության ծրագիրը:
Հարցման մասնակիցները ունեին պատասխանի 4 հնարավորություն՝ «ինչի՞ս է պետք», «թեթեւակի աչքի եմ անցկացրել», «մանրամասն ուսումնասիրել եմ», «չեմ կարդացել, բայց ԶԼՄ-ներից տեղեկացել եմ հիմնական դրույթների մասին»:
Եվ այսպես. հարցման մասնակիցների փոքրամասնությունը՝ 6 տոկոսն է մանրամասն ուսումնասիրել կառավարության ծրագիրը, 8 տոկոսն է թեթեւակի աչքի տակ անցկացրել, իսկ 31 տոկոսը զանգվածային լրատվության միջոցներից է տեղեկացել կառավարության ծրագրի հիմնական դրույթների մասին: Իսկ հարցվածների մեծամասնությունը՝ 55 տոկոսը, պատասխանել է՝ «ինչի՞ս է պետք»:
ԱՄԻ ՉԻՉԱԿՅԱՆ
