Հոկտեմբերի 11-ին Մամուլի ազգային ակումբում խոսելով լեզվաքաղաքականության եւ ռուսերենի հայեցակարգի թեմայով` Դավիթ Սանասարյանը նշեց, որ ռուսերենի պարտադրումը համակարգված դավադրություն է պետության ինքնիշխանության նկատմամբ. «Սա ռուսաֆիկացման գործընթաց է, որն իրականացվում է լեզվի միջոցով»:
Դավիթ Սանասարյանը դրա բացատրությունն էլ ունի. «ԱԱԾ կադրերի մեծ մասը Ռուսաստանում է կրթություն ստանում»:
Նա բարձրաստիճան պաշտոնյաներին էլ անդրադարձավ. «Մենք խոսում ենք այն մասին, որ ուսանողները վատ են տիրապետում հայերենին, բայց չենք ասում, որ վարչապետը եւ նրա կառավարության անդամներն ինչպես են ռուսերեն ու անգլերեն բառերով ելույթներ ունենում` դրայվ, դուխ, դավայ… Լեզվի նկատմամբ մոտեցումը գալիս է ամենաբարձր մակարդակից, առաջին տիկինը հեռուստատեսությամբ ելույթ է ունենում ռուսերեն, իսկ ԿԳ նախարարը ռուսերենի դասավանդման հայեցակարգի վերաբերյալ հարցին ի պատասխան, ասում է` մի քաղաքականացրեք, դա ԵԱՏՄ լեզուն է: Մեր քաղաքացուն սովորեցնում են, որ հաջողության լեզուն ռուսերենն է…»:
Գոհար ՀԱԿՈԲՅԱՆ
