Մարտի 20-ին «Առավոտ» թերթն անդրադարձել էր Երեւանի Գոգոլի փողոցի մի խումբ բնակիչների բողոքին: Այն վերաբերում էր թիվ 83-85 տների միջեւ գտնվող փայտե, հին, հիմքում փտած, կիսաթեք, անցյալ դարի 60-ականներից շահագործվող հենասյանը, որը ծառայում էր շուրջ 25 տան բնակիչների ու սարսափի մեջ էր պահում բոլորին, հատկապես ուժեղ քամու եւ տեղատարափ անձրեւների ժամանակ:
Այս անգամ էլցանցը բնակիչներին երկար սպասեցնել չտվեց: Թերթում՝ հրապարակման օրն արդեն էլցանցի Արաբկիր մասնաճյուղի աշխատողները տեղում էին, ուսումնասիրեցին խնդիրը եւ մի քանի օրվա ընթացքում փոխարինեցին հին հենասյունն ու հաղորդալարերը:
Բնակիչները շնորհակալություն են հայտնում «Հայաստանի էլեկտրական ցանցեր» ընկերությանը՝ արագ արձագանքելու համար:
ԳՈՀԱՐ ԱՐՇԱԿՅԱՆ
